Erling Haaland ka reaguar ndaj mënyrës se si u menaxhua penalltia e Kylian Mbappes në çerekfinalen e Kupës së Botës mes Francës dhe Marokut, duke e cilësuar të papranueshme pritjen prej më shumë se tre minutash para ekzekutimit. Erling Haaland është përfshirë në debatin për gjykimin dhe përdorimin e VAR-it gjatë ndeshjes çerekfinale mes Francës dhe Marokut.
Sulmuesi norvegjez reagoi pasi Kylian Mbappe u detyrua të priste tre minuta e dhjetë sekonda përpara se ta ekzekutonte një penallti të fituar në pjesën e dytë. Kapiteni i Francës dukej dukshëm i irrituar me gjyqtarin argjentinas Facundo Tello dhe zyrtarët e VAR-it, të cilët zhvilluan një kontroll të gjatë për të përcaktuar nëse ndërhyrja ndaj tij ishte e mjaftueshme për penallti.
Më shumë se tre minuta pritje Mbappe e fitoi penalltinë pasi mbrojtësi i Manchester Unitedit, Noussair Mazraoui, e ndali në mënyrë të parregullt brenda zonës. Megjithatë, zyrtarëve të VAR-it në qendrën e Dallasit iu deshën më shumë se tre minuta për ta konfirmuar vendimin. Në fund, gjyqtari Tello lejoi që penalltia të ekzekutohej, por pritja e gjatë duket se ndikoi te Mbappe.
Goditja e tij ishte e dobët dhe u prit nga portieri maroken Yassine Bounou, i njohur për aftësitë e tij në ndaljen e penalltive. Pas aksionit, Mbappe ngriti duart në shenjë zemërimi dhe dukej se i bërtiti gjyqtarit. Reagimi i Haalandit bëhet viral Pritja e gjatë u shndërrua menjëherë në një nga temat kryesore të diskutimit në rrjetet sociale.
Në debat u përfshi edhe Erling Haaland, i cili publikoi në Snapchat një fotografi të momentit dhe kritikoi kohën që iu desh VAR-it për të marrë vendimin. “Të duhet të presësh pesë minuta për ta ekzekutuar një penallti është shumë gjatë”, shkroi sulmuesi i Norvegjisë. Postimi i tij u shpërnda gjerësisht, veçanërisht në prag të çerekfinales së Norvegjisë kundër Anglisë.
Keane: Kjo është e padrejtë Edhe ish-kapiteni i Manchester Unitedit, Roy Keane, e kritikoi ashpër mënyrën se si u trajtua situata. Sipas tij, pritja e gjatë krijoi presion të panevojshëm mbi Mbappen dhe i dha avantazh skuadrës që kishte shkaktuar penalltinë. “Është e padrejtë. Kjo është një situatë me shumë presion. Përse duhet të presë më shumë se tre minuta?
Është e padrejtë edhe për futbollistët e klasit botëror”, deklaroi Keane gjatë analizës për ITV-në. “Koha është armiku i sulmuesit. Kjo pothuajse ia kthen avantazhin skuadrës që e shkaktoi penalltinë.
Nuk është e drejtë.” Pesë zyrtarë argjentinas në stadium Një tjetër çështje që shkaktoi diskutime ishte vendimi i FIFA-s për të caktuar pesë zyrtarë argjentinas në stadium për ndeshjen Francë–Marok. Përveç gjyqtarit kryesor Facundo Tello, nga Argjentina ishin edhe dy asistentët, gjyqtari i katërt dhe asistenti rezervë.
Kjo ishte hera e parë në këtë Botëror që të gjithë zyrtarët e pranishëm në stadium për një ndeshje vinin nga i njëjti shtet. Tifozët ngritën pikëpyetje në rrjetet sociale, por caktimi i gjyqtarit kryesor dhe dy asistentëve nga i njëjti vend ka qenë praktikë e zakonshme gjatë turneut.
Fitorja 3-2 e Anglisë ndaj Meksikës në fazën e 1/8 së finales u drejtua nga një treshe australiane, ndërsa në triumfin 3-2 të Argjentinës ndaj Egjiptit u caktuan tre gjyqtarë francezë në fushë dhe dy zyrtarë të tjerë në dhomën e VAR-it. FIFA e kishte marrë vendimin për ekipin e arbitrimit të ndeshjes Francë–Marok të hënën, përpara përballjes mes Argjentinës dhe Egjiptit.