Barcelona ka konfirmuar se Andreas Christensen ka nënshkruar një kontratë të re me klubin qe vlen deri në vitin 2028. 30-vjeçari do të nisë sezonin e tij të pestë, pasi u transferua nga Chelsea verën e vitit 2022. Christensen do të pranojë një ulje të konsiderueshme page prej 50% për të qëndruar në Camp Nou.
Më parë, mbrojtësi danez fitonte një pagë bruto prej afërsisht 12 milionë eurosh, por tani do të fitojë gjashtë milionë euro në sezon. Thuhet se kontrata e re përmban edhe një rregull përfundimi, ku klubi dhe lojtari kanë mundësinë ta anulojnë atë në vitin e dytë.
Në katër sezonet e tij me klubin deri më tani, ai ka bërë gjithsej 98 paraqitje zyrtare për Barçën, 71 në kampionat, 15 në Ligën e Kampionëve, dy në Ligën e Evropës, gjashtë në Kupën e Mbretit dhe katër në Superkupën e Spanjës.