Anglia mund të përballet sërish me probleme të shkaktuara nga moti në Kupën e Botës, kësaj radhe në çerekfinalen ndaj Norvegjisë. Fitorja dramatike e “Tre Luanëve” ndaj Meksikës në 1/8 e finales u shty për një orë për shkak të stuhive në Mexico City.
Tashmë Anglia do të përballet me Norvegjinë në çerekfinale, ndeshje që zhvillohet të shtunën në Miami dhe nis në orën sipas kohës sonë lokale. Megjithatë, sipas parashikimeve të motit, në atë periudhë pritet që qyteti të përfshihet nga stuhi. Miami është gjashtë orë prapa nesh, kështu që ndeshja do të luhet në orën sipas kohës lokale.
Sipas shërbimit meteorologjik “AccuWeather”, parashikimi për të shtunën është: “Mot me lagështi dhe periudha me diell. Pasdite priten stuhi të izoluara, ndërsa rrufetë nga stuhitë pranë mund të ndikojnë në zhvillimin e ndeshjes së futbollit”.
Edhe “NBC Miami” raporton se rreth orës sipas kohës lokale priten stuhi të izoluara, ndërsa temperaturat e larta mund të përbëjnë një tjetër sfidë për skuadrën e Thomas Tuchel. Temperatura maksimale e parashikuar për të shtunën është 34 gradë Celsius, ndërsa lagështia gjatë ndeshjes pritet të luhatet nga 60 deri në 68 për qind.
Kjo do të bëjë që temperatura e ndjeshme të arrijë deri në 44 gradë Celsius, duke krijuar kushte shumë të vështira për të dyja skuadrat, edhe pse edhe Norvegjia do të përballet me të njëjtat rrethana.
Sa i përket mundësisë së stuhive, rregullorja e FIFA-s përcakton se nëse një rrufe godet brenda një rrezeje prej tetë miljesh (rreth 13 kilometrash) nga stadiumi, ndeshja ndërpritet automatikisht për të garantuar sigurinë e lojtarëve dhe tifozëve. Çdo goditje e re rrufeje brenda asaj zone shtyn rifillimin e ndeshjes edhe me 30 minuta të tjera.
Një rast i tillë ndodhi në fazën e grupeve, kur ndeshja mes Francës dhe Irakut u ndërpre për afro dy orë mes pjesës së parë dhe të dytë për shkak të stuhive dhe rrufeve.
Edhe ndeshja e fundit miqësore e Anglisë para Kupës së Botës, ndaj Kosta Rikës, u shty për një orë për shkak të kushteve të pafavorshme atmosferike, ndërsa edhe përballja e Meksikës me Ekuadorin në fazën e 1/8 së finales në stadiumin “Azteca” pati vonesa të ngjashme.