Qytetarët janë njoftuar për një devijim të përkohshëm të komunikacionit, për shkak të vazhdimit të punimeve në ndërtimin e mbikalimit Grabanicë-Zajmë. Sipas njoftimit të publikuar nga kompania “Benita Company”
ShPK, gjatë ditës së sotme qarkullimi i automjeteve do të ridrejtohet përkohësisht në rrugën e re të ndërtuar, me qëllim mundësimin e vazhdimit të punimeve në këtë projekt infrastrukturor. “Për shkak të vazhdimit të punimeve në ndërtimin e mbikalimit Grabanicë-Zajmë, sot gjatë ditës komunikacioni do të devijohet përkohësisht në rrugën e re të ndërtuar”, thuhet në njoftim.
Kompania u ka bërë thirrje të gjithë pjesëmarrësve në komunikacion që të tregojnë kujdes të shtuar dhe të respektojnë sinjalizimin rrugor. “Lusim të gjithë pjesëmarrësit në komunikacion të respektojnë sinjalizimin e vendosur dhe kufizimet e shpejtësisë”, thuhet më tej në njoftim. Nga kompania “Benita Company”
ShPK është kërkuar mirëkuptimi dhe bashkëpunimi i qytetarëve deri në përfundimin e punimeve. / Telegrafi