Kepi i Gjelbër ka bërë mrekullinë duke u kualifikuar për në fazën me eliminim direkt në Kupën e Botës, që në paraqitjen e tyre të parë historike në këtë turne. Një barazim i luftuar 0-0 përballë Arabisë Saudite u mjaftoi “Peshkaqenëve Blu” për të blinduar vendin e dytë në Grupin H.
Ndeshja nisi me shumë kujdes nga të dyja palët, ku si Kepi i Gjelbër ashtu edhe Arabia Saudite u rreshtuan në deficidë me blloqe të ulëta. Arabisë Saudite i duhej me patjetër fitorja për të shpresuar te kualifikimi, por vuajti jashtë mase për të krijuar raste.
Portierët nuk u vunu në provë deri në mesin e pjesës së parë, kur Willy Semedo testoi portierin saudit Mohammed Al-Owais, i cili bëri një pritje vendimtare. Me lajmet që vinin nga ndeshja tjetër e grupit, ku Spanja po fitonte ndaj Uruguait, Kepi i Gjelbër e nisi pjesën e dytë me më shumë besim.
Jamiro Monteiro humbi një mundësi të artë pas një aksioni me pasime të shpejta, duke goditur plogësht në duart e portierit Al-Owais. Në sekondat e fundit të lojës, Nuno da Costa mund t’i jepte fitoren Kepit të Gjelbër, por goditja e tij me kokë shkoi ngjitshëm me shtyllën.
Nga ana tjetër, Arabia Saudite nuk arriti të ndryshonte fatin e saj dhe u eliminua sërish në fazën e grupeve, duke shënuar kështu dështimin e gjashtë radhazi në këtë raund në historinë e tyre në Botëror. Pavarësisht eliminimit, lojtari më i mirë i ndeshjes u shpall mbrojtësi saudit Abdulelah Al-Amri.
Kepi i Gjelbër u bë vetëm kombëtarja e tretë afrikane në histori që kalon fazën e grupeve në një Botëror debutues pa pësuar asnjë humbje. Për më tepër, ata e mbyllën këtë fazë duke mbajtur portën të paprekur për herë të dytë në turne.
Tashmë, shpërblimi për këtë arritje historike në raundin e 32 më të mirave është thjesht përrallor: “Peshkaqenët Blu” do të udhëtojnë drejt Miamit për t’u përballur me kampionët në fuqi të botës, Argjentinën! Rezultati: Kepi i Gjelbër 0-0 Arabia Saudite