Aktorja e njohur dhe fituese e “Golden Globe”, Anya Taylor-Joy, është parë duke shijuar një ditë të qetë në New York së bashku me bashkëshortin e saj, muzikantin Malcolm McRae. 30-vjeçarja u fotografua të mërkurën (1 korrik) teksa po kryente disa punë të përditshme në qytet, e shoqëruar nga McRae.
Për daljen e saj, Taylor-Joy kishte zgjedhur një stil të thjeshtë por simbolik: një bluzë të gjelbër me mbishkrimin e serialit të saj të ri “Lucky”, të kombinuar me xhinse. Ndërkohë, bashkëshorti i saj u shfaq me një këmishë xhins, xhinse të hapura dhe çizme kauboji.
Dalja e çiftit vjen në një moment të rëndësishëm për karrierën e aktores, pasi ajo po promovon projektin e ri televiziv të Apple TV+, “Lucky”. Malcolm McRae, Anya Taylor-Joy Sipas përshkrimit zyrtar, seria ndjek historinë e një grabitjeje milionëshe që del jashtë kontrollit.
Personazhi kryesor, Lucky (luajtur nga Taylor-Joy), është një mashtruese profesionale që detyrohet të arratiset pasi plani shkon keq. E ndjekur njëkohësisht nga FBI dhe një bos i pamëshirshëm krimi, ajo përballet me një luftë për mbijetesë dhe për një rrugëdalje nga e gjithë situata.
Seriali është përshkruar si një thriller “pulse-pounding”, i bazuar në romanin bestseller të New York Times me të njëjtin emër nga Marissa Stapley. Malcolm McRae, Anya Taylor-Joy