Ministria e Industrisë, Ndërmarrësisë, Tregtisë dhe Inovacionit (MINTI), përmes Inspektorati Qendror i Tregut (IQMT), ka zhvilluar gjatë gjysmës së parë të muajit qershor 2026 një seri inspektimesh në terren me fokus parandalimin dhe luftimin e shitjes ilegale të cigareve elektronike për personat e mitur.
Sipas autoriteteve, inspektimet janë përqendruar kryesisht në bizneset që operojnë në afërsi të shkollave dhe që merren me shitjen e produkteve të duhanit dhe produkteve të ngjashme. Qëllimi i këtyre aksioneve është mbrojtja e të rinjve dhe zbatimi i legjislacionit në fuqi.
Kontrollet janë realizuar në komunat e Prishtina, Prizreni, Gjilani, Vushtrria, Ferizaj dhe Vitina, ku inspektorët kanë verifikuar respektimin e Ligji Nr. 04/L-156 për Kontrollin e Duhanit, që rregullon shitjen e produkteve të duhanit dhe atyre të ngjashme.
Autoritetet bëjnë të ditur se shkeljet e evidentuara janë duke u trajtuar në procedura të mëtejshme ligjore dhe se ndaj tyre do të ndërmerren masat përkatëse sipas ligjit.
Inspektorati Qendror i Tregut (IQMT) thekson se aktivitetet inspektuese do të vazhdojnë në të gjithë territorin e Republikës së Kosovës, me synim forcimin e kontrollit dhe parandalimin e qasjes së të miturve në produkte që mund të dëmtojnë shëndetin e tyre.
Ministria e Industrisë, Ndërmarrësisë, Tregtisë dhe Inovacionit (MINTI) mbetet e përkushtuar në mbrojtjen e shëndetit publik, veçanërisht të të rinjve, si dhe në zbatimin e plotë të ligjit në fuqi.