Shpërndaje në: Një shtetas i Kosovës ka humbur jetën në aksin rrugor Lezhë-Milot pas një aksidenti mes një veture dhe kamioni. Sipas njoftimit nga Policia e Shqipërisë, të lënduar kanë mbetur motra e viktimës dhe djali i tij. “Si pasojë e aksidentit, drejtuesi i automjetit, shtetasi K. B., ka humbur jetën në vendngjarje, ndërsa motra e tij, shtetasja F. B., dhe djali i tij, shtetasi F.
B., janë transportuar në Spitalin e Traumës, ku po marrin ndihmën e nevojshme mjekësore dhe ndodhen jashtë rrezikut për jetën. Drejtuesi i kamionit, shtetasi A. M., është shoqëruar në Komisariatin e Policisë Lezhë, ku po kryhen veprimet procedurale”, thuhet në njoftim, shkruan Top Channel. Grupi hetimor ndodhet në vendngjarje dhe po punon për sqarimin e rrethanave të aksidentit.