Gjykata penale në Madrid ka caktuar 21 dhjetorin si datën kur do të nisë gjyqi ndaj mbrojtësit të Real Madridit, Ferland Mendy, i akuzuar për neglizhencë pas një sulmi të rëndë nga qentë e tij ndaj një të mituri 17-vjeçar. Prokuroria kërkon që futbollisti francez të gjobitet me 1,200 euro dhe të paguajë 5,700 euro dëmshpërblim për të dëmtuarit.
Sipas një vendimi procedural të 1 tetorit, të raportuar nga gazeta spanjolle Sport, seanca do të mbahet në gjykatën e Madridit, në rrugën Julian Camarillo. Në gjyq janë thirrur Mendy, dëshmitarët, ekspertët dhe viktimat. Futbollisti do të dëshmojë me ndihmën e një përkthyesi të frëngjishtes.
Ngjarja ka ndodhur më , kur katër qen të Mendy dolën nga prona e tij në Alcobendas, pasi porta nuk ishte mbyllur siç duhej. Njëri prej qenve iu afrua një gruaje që po shëtiste qenin e saj dhe e sulmoi atë aq rëndë, sa veterinerët u detyruan ta eutanizonin. Situata u përkeqësua kur një 17-vjeçar, i cili po shëtiste qenin e tij dhe e pa sulmin, ndërhyri për ta ndihmuar gruan.
Ai u bë viktima e radhës. Qeni e kafshoi me forcë në këmbën e majtë, duke i shkaktuar katër plagë, disa prej të cilave deri në dy centimetra në diametër. I riu iu nënshtrua një ndërhyrjeje kirurgjikale dhe iu deshën 30 ditë për t’u shëruar.
Skandal në Spanjë: Javier Tebas krahason Real Madridin me regjimin nazist, vjen reagimi i ashpër i klubit Edhe qeni i tij pësoi lëndime, pasi u kafshua në qafë dhe në gjoks, ndërsa humbi një dhëmb. Atij iu desh t’i nënshtrohej një operacioni urgjent.
Prokuroria e akuzon Mendy për neglizhencë, duke pretenduar se ai nuk tregoi kujdesin e duhur dhe nuk mori masat e nevojshme për të siguruar që porta të ishte mbyllur mirë pasi automjeti kishte hyrë në pronë./ Telegrafi