PSG është shndërruar në makthin e klubeve angleze në Ligën e Kampionëve. Fitorja e fundit 4-2 ndaj Manchester Cityt në udhëtim ishte një tjetër dëshmi e forcës së skuadrës së Luis Enriques, e cila ka arritur në 12 ndeshje radhazi pa humbje në Evropë.
Kampionët francezë kanë fituar katër ndeshjet e fundit si mysafirë ndaj skuadrave angleze, duke mposhtur Arsenalin 1-0, Chelsean 3-0, Liverpoolin 2-0 dhe Manchester Cityn 4-2. Suksesi i PSG-së nuk është i rastësishëm, por rezultat i disa faktorëve që e kanë shndërruar skuadrën parisiene në një kundërshtar jashtëzakonisht të vështirë për ekipet e Ligës Premier.
PSG are unbeaten in their last 12 games against Premier League sides in UEFA competitions 👏📊 Squawka https://t.co/ZRD9hgcj7q — Football on TNT Sports (@footballontnt) October 14, 2026 1. Filozofia e Luis Enriques: kolektivi mbi individin Një nga arsyet kryesore është filozofia e Luis Enriques, i cili ka ndërtuar një skuadër ku kolektivi është mbi individin.
Pas largimit të Kylian Mbappes, shumëkush dyshonte se si PSG do t’i zëvendësonte golat e yllit francez, por përgjigjja ka ardhur nga e gjithë skuadra. Sulmuesit, mesfushorët dhe madje edhe mbrojtësit kontribuojnë në fazën ofensive, duke e bërë ekipin më të paparashikueshëm. 2. Superioriteti teknik përballë presionit Një tjetër element vendimtar është cilësia teknike në mesfushë.
Vitinha, Warren Zaire-Emery dhe Fabian Ruiz kanë dëshmuar se PSG mund t’u bëjë ballë edhe skuadrave që mbështeten në presion të lartë dhe intensitet fizik. Me qarkullimin e saktë të topit dhe kontrollin e ritmit të lojës, parisienët i detyrojnë kundërshtarët të shpenzojnë shumë energji për ta rikuperuar atë, duke ua vështirësuar zbatimin e stilit të tyre të zakonshëm.
Superkompjuteri i Opta-s befason me parashikimet pas vetëm dy xhirove në Ligën e Kampionëve 3. Rotacioni dhe freskia fizike Menaxhimi i skuadrës nga Luis Enrique është gjithashtu një faktor i rëndësishëm. Mundësia për të bërë rotacion dhe për t’i pushuar lojtarët kryesorë i ndihmon PSG-së të ruajë freskinë fizike për ndeshjet evropiane.
Në anën tjetër, klubet angleze përballen me një kalendar të ngjeshur në kampionat, gjë që mund të ndikojë në energjinë e tyre në Ligën e Kampionëve. Kjo u pa edhe në ndeshjen ndaj Manchester Cityt, ku PSG krijoi epërsi prej tri golash që në pjesën e parë, ndërsa më pas e menaxhoi lojën dhe shënoi edhe një herë tjetër. 4.
Avantazhi psikologjik ndaj klubeve angleze Përveç cilësisë dhe përgatitjes fizike, PSG ka fituar edhe një avantazh psikologjik. Rezultatet e fundit ndaj klubeve të mëdha angleze u kanë dhënë parisienëve besim të madh në aftësitë e tyre, ndërsa kundërshtarët tashmë përballen me një skuadër që ka dëshmuar se mund t’i mposhtë edhe në stadiumet e tyre.
Mbështetja e tifozëve parisienë në ndeshjet si mysafirë në Angli është një tjetër element që ndihmon skuadrën. Kombinimi i forcës kolektive, teknikës së lartë, menaxhimit të zgjuar të lojtarëve dhe vetëbesimit e ka bërë PSG-në një nga kundërshtarët më të frikshëm për klubet e Ligës Premier në Ligën e Kampionëve./ Telegrafi