Trajneri i Manchester Cityt, Enzo Maresca ka mbajtur konferencën e tij të parë për shtyp që kur Fair Play Financiar (FFP) i pavarur i Ligës Premier e shpalli klubin fajtor për 114 nga 115 shkelje të rregullave financiare. Maresca u përball me një sërë pyetjesh në lidhje me vendimin, dënimet e mundshme dhe të ardhmen e tij në klub.
Ai tha se kishte besim të plotë te City dhe hodhi poshtë pretendimet se sukseset e klubit në vitet e fundit ishin dëmtuar nga parregullsitë financiare. City e ka apeluar tashmë vendimin dhe dënimet nuk janë përcaktuar ende. Sanksionet e mundshme përfshijnë zbritje pikësh, gjoba dhe madje edhe përjashtim nga Liga Premier.
Maresca theksoi në konferencë për shtyp përpara ndeshjes të së dielës jashtë fushe kundër Liverpoolit se skuadra duhet të përqendrohet në futboll. “E kuptoj pse shumica prej jush jeni këtu sot, por e vetmja gjë që mund të them është ajo që kam thënë tashmë”, u tha Maresca gazetarëve, duke përsëritur se ka besim të plotë tek njerëzit që drejtojnë Manchester Cityn.
Klubet e Ligës Premier kanë frikë nga ndërhyrjet politike të kryeministrit britanik në apelin e Man Cityt Trajneri italian nuk pranoi të jepte detaje mbi vendimin, duke vënë në dukje se procesi i apelimit është ende në vazhdim. I pyetur nëse trofetë e Cityt, përfshirë tripletën historike në vitin 2023, u njollosën nga vendimi, ai u përgjigj me vendosmëri: “Absolutisht jo”.
Një nga pyetjet më interesante ishte për të ardhmen e Marescas nëse City do të binte nga Lia Premier. “E fitova Championshipin me Leicesterin. League One? Do ta shohim”, u përgjigj Maresca, duke kujtuar se ai e udhëhoqi Leicester Cityn drejt titullit në nivelin e dytë të futbollit anglez. Kështu, Maresca la të hapur mundësinë e qëndrimit në klub edhe në rast të një ndëshkimi drastik.
Megjithatë, ai nuk donte t’i përgjigjej drejtpërdrejt pyetjes nëse do të largohej nga City nëse do të rezultonte se drejtuesit e klubit e kishin mashtruar. / Telegrafi