Aktorja publikoi fotografi nga pushimet me Braun dhe miqtë e tyre, duke tërhequr vëmendjen me paraqitjen në një kostum të kuq banje Gjërat duket se po bëhen gjithnjë e më serioze mes aktores Sydney Sweeney dhe të dashurit të saj, Scooter Braun. Të mërkurën, aktorja 29-vjeçare publikoi në rrjetet sociale një seri fotografish nga pushimet e fundit me Braun dhe miqtë e tyre.
Në njërën prej fotografive, ylli i serialit “Euphoria” shfaqet me një kostum të kuq banje, të frymëzuar nga pamja ikonike e “Baywatch”, ndërsa pozon para kamerës. Sydney Sweeney/ Scooter Braun Në një tjetër fotografi, Braun shfaqet pa bluzë teksa ngre Sweeney në ajër, duke e mbajtur nga beli.
Fotografitë e tjera tregojnë çiftin dhe miqtë e tyre duke bërë ski jet, shëtitje në natyrë, duke kërcyer dhe duke ndezur fishekzjarre. “Kur i dashuri yt të çon në hënë”, shkroi Sweeney në përshkrimin e fotografive. Postimi i aktores vjen në një moment kur lidhja e saj me Braun po tërheq gjithnjë e më shumë vëmendjen e fansave dhe mediave rozë.