Ish-kryetari i Aleancës, Ramush Haradinaj, ka reaguar pas vdekjes së ish-bashkëluftëtarit të tij, Valdet Selimaj. Haradinaj e ka kujtuar Selimajn si një luftëtar të dalluar nga Peja, duke veçuar disiplinën dhe trimërinë e tij gjatë luftës. Ai ka thënë se do t’i ruajë kujtimet më të mira për Selimajn, nga momenti kur iu bashkua radhëve të UÇK-së e deri në çlirimin e Kosovës.
Haradinaj u ka shprehur ngushëllime familjarëve të Selimajt, bashkëluftëtarëve dhe të gjithë atyre që e kanë njohur. “Do t’i ruaj kujtimet më të mira për të, si një ushtar i disiplinuar dhe trim, që nga dita kur e mori pushkën e deri në çlirim”, ka shkruar Haradinaj në Facebook. Në fund, ai e ka falënderuar Selimajn për kontributin e tij. “Faleminderit për shërbimin ndaj Atdheut.
U prehsh në paqe, Valdet!” Sinjali – aty ku e vërteta flet para lajmit!