Mirlind Daku ka shënuar golin e parë me fanellën e Spartak Moskës, duke i siguruar skuadrës së tij një pikë në përballjen ndaj Orenburgut. Sulmuesi shqiptar realizoi nga pika e bardhë në minutën e 76-të, duke barazuar rezultatin në 1-1. Ky ishte edhe rezultati përfundimtar i ndeshjes së zhvilluar të dielën në kuadër të xhiros së gjashtë të Ligës Premier së Rusisë.
Daku e nisi ndeshjen nga minuta e parë dhe luajti gjatë gjithë takimit, ndërsa në momentin e penalltisë u tregua i saktë përballë portierit kundërshtar.
Për Dakun, ky ishte goli i parë që prej transferimit te Spartak Moska, ndërsa ka regjistruar edhe një asistim me klubin e ri. ⚽️🇦🇱 Goli i Mirlind Daku ndaj Orenburg Gol e asistim nga transferimi te Spartak Moscow nga qendersulmusi pic.twitter.com/syfFHcKxLb — AlbanianScout (@albanianscout) August 30, 2026 Ndërkohë, në fillim të këtij edicioni, Daku kishte shënuar edhe dy gola me Rubin Kazanin, para se të transferohej te gjiganti nga Moska.