Shpërndaje në: Një prej lojtarëve kyç te Kosova, Florent Muslija, mund të kthehet të luajë për klubin gjerman, Hannover. Mediume të afërta me klubin e Bundesligës 2 kanë shkruar se Muslija mund të kthehet në Hannover, për të cilin u paraqit nga vera e vitit 2018 deri në fillim të vitit 2022. Muslija është pjesë e Freiburgut që garon në Bundesligë.
“Freiburgu tashmë ka sjellë tre lojtarë të rinj ofensivë. Dhe gjasat e Muslijës për të luajtur nuk pritet të përmirësohen. Një largim, ndoshta në formë huazimi për shkak të kontratës së tij deri në vitin 2028, duket i mundshëm”, shkruan “liga-zwei.de”. Muslija pritet të kthehet në tetor nga lëndimi. Në prill mesfushori ofensiv këputi ligamentin e kryqëzuar në gjurin e djathtë.
Ai së fundi ishte huazuar nga Freiburgu te Fortuna Dusseldorfi.