Qeveria spanjolle pritet të miratojë të martën një paketë emergjente prej 165 milionë eurosh për rimëkëmbjen ekonomike të Ceutës dhe forcimin e shërbimeve publike. Vendimi vjen një muaj pas mbërritjes së një numri të madh migrantësh në qytetin autonom, situatë që ka ndikuar në aktivitetin ekonomik dhe ka shtuar presionin mbi institucionet lokale.
Sipas mediave spanjolle, fondet do t’i shtohen planit afatmesëm të rimëkëmbjes prej 180 milionë eurosh, të paralajmëruar më herët nga zëvendëskryeministri i Parë dhe ministri i Ekonomisë, Carlos Cuerpo. Nga paketa e re, 80 milionë euro do të investohen në ekonominë e Ceutës gjatë katër muajve të ardhshëm, ndërsa 70 milionë të tjera janë planifikuar për vitin 2027.
Masat synojnë rikthimin e aktivitetit ekonomik dhe përmirësimin e kapaciteteve të shërbimeve publike pas krizës së fundit të migracionit. Sinjali – aty ku e vërteta flet para lajmit!