Kanë kaluar 1,043 ditë që nga ajo ndeshje e mallkuar Torino-Inter. Ajo përplasje në mesfushë me Barella-n më , i kushtoi Schuurs një pushim të gjatë: ai këputi ligamentin kryqëzor anterior në gjurin e majtë. Operacioni kishte çuar në një pushim prej 8-9 muajsh, por problemet e reja me gjurin e zgjatën agoninë me dy vjet.
Vuajtjet e Peer Schuurs nuk kishin fund, duke kulmuar me ndërprerjen e kontratës së tij me klubin Granata. Mbrëmë, në aventurën e tij të re me NEC, lojtari i lindur në vitin 1999 përjetoi diçka vërtet magjike. Shpesh thuhet se “3 është numri perfekt”. Epo, në rastin e Peer Schuurs, mund të konsiderohet gjysmë e vërtetë.
Ish-lojtari i Torinos, që tani luan për NEC, u rikthye në fushën e futbollit tre vjet pas dëmtimit që e la jashtë fushave për kaq gjatë. Dihet mirë që dëmtimet janë pjesë e lojës, por të qëndrosh jashtë fushave për tre vjet është si të jetosh një vuajtje të pafundme për një lojtar, aq sa të mendosh të varësh këpucët në gozhdë. Peter Schuurs vendosi të reagojë ndryshe.
Pas një përgatitjeje të lodhshme, holandezi u kthye në shtëpi për të filluar një aventurë të re, dhe e gjeti atë me NEC. Vite përpjekjesh dhe sakrificash u shpërblyen në harkun kohor të… tre minutave. Mbrëmë, skuadra e tij po luante në ndeshjen e Eredivisie kundër Zwolle. Schuurs hyri në fushë në minutën e 35-të të pjesës së dytë, me skuadrën e tij që udhëhiqte 2-1.
Tre minuta më vonë, ai shënoi golin në minutën e 83-të, një gjuajtje me kokë nga një goditje këndi, e cila vulosi rezultatin. Ish-lojtari i Torinos vështirë se do ta kishte pritur një rikthim të tillë. Një rikthim që tani mund të jetë fillimi i një karriere të re.
Siç kujtojmë, NEC do të garojë në Europa League këtë sezon, dhe kundërshtarët e tyre do të jenë Juventusi i Luciano Spalletti-t. N jë lloj kujtimi i derbit të Torinos.