Kylie Jenner ka reaguar ndaj thashethemeve të fundit se është shtatzënë, duke thënë se tashmë është mësuar me spekulimet për jetën e saj personale. Gjatë një paraqitjeje në podkastin “Better Half”, ylli amerikan tha se preferon të qeshë me thashethemet dhe të mos u kushtojë shumë rëndësi.
“Jam mësuar aq shumë me njerëzit që krijojnë kaq shumë rrëfime, saqë më duhet të qesh me to dhe të mos më interesojë”, u shpreh Jenner. Ajo shtoi se nuk ka ndërmend t’u përgjigjet çdo pretendimi që qarkullon në internet, duke theksuar se shpesh thashethemet zhduken vetë. Jenner, e cila ka dy fëmijë me ish-partnerin Travis Scott, ka folur së fundmi edhe për mundësinë e një fëmije tjetër.
Ajo ka pranuar se vetëm ideja për të pasur një tjetër fëmijë i duket “e çmendur”.