Gjatë sezonit të kaluar, Bayern Munich shkatërroi Bundesligën me 122 gola (3.59 gola për ndeshje), por duket se kjo traditë do të vijojë edhe këtë sezon. Fitorja 5-1 ndaj Shtutgart një ditë më parë e konfirmoi këtë gjë. Trajneri Vincent Kompany theksoi se shëndeti i lojtarëve dhe rotacioni gjatë sezonit, për të maksimizuar rezultatet, do të jetë i rëndësishëm.
Kjo nuk e pengoi Bayern të shënonte katër gola në pjesën e dytë në ndeshjen hapëse të sezonit. “Ne thjesht duam të vazhdojmë atë që kemi bërë në dy vitet e fundit“, tha Kompany, që më tej shtoi: “Kemi treguar shumë energji, shumë gatishmëri. Është thjesht argëtuese me këtë ekip. Gjithçka fillon nga zero”.
“Shpresoj që të gjithë lojtarët të jenë të vetëdijshëm për këtë, por është gjithashtu roli im t’ua rrënjos këtë. Kemi një skuadër të mirë, me një ekuilibër të përsosur të përvojës dhe të rinjve”, tha trajneri belg. “Blerjet e reja do të na ndihmojnë shumë. Thjesht duhet të arrijmë në fazën vendimtare të sezonit me të gjithë lojtarët tanë në formë.
E menaxhuam mjaft mirë këtë sezonin e kaluar dhe duam ta përsëritim këtë vit“, tha Kompany.