Xabi Alonso ka pranuar se ndihet i lehtësuar që Danny Welbeck këtë fundjavë do të luajë për Chelsea dhe jo kundër saj, teksa londinezët përgatiten të presin lBrightonin në Premier League. Sulmuesi veteran ka një bilanc të shkëlqyer ndaj “Blues”, ndërsa trajneri i Chelseat ka vlerësuar ndikimin e menjëhershëm që 35-vjeçari ka pasur në “Stamford Bridge”.
Welbeck përballë ish-skuadrës Welbeck do të ketë një ribashkim të shpejtë me Brightonin, klubin ku kaloi gjashtë sezone përpara se të transferohej këtë verë te Chelsea. Gjatë periudhës në bregdetin jugor të Anglisë, sulmuesi ishte një nga lojtarët që i shkaktonte më së shumti probleme Chelseat.
Në nëntë ndeshje të Premier League ndaj londinezëve, ai ka realizuar gjashtë gola dhe ka dhuruar dy asistime, ndërsa herën e fundit shënoi kundër tyre në muajin prill. Alonso: “Jam i lumtur që është në anën tonë” Welbeck e nisi mirë aventurën te Chelsea, duke shënuar me kokë në debutimin e tij.
Ai realizoi në fitoren e së enjtes ndaj Luton Town në raundin e dytë të Carabao Cup, duke konfirmuar se instinkti i tij para portës mbetet i fortë. Alonso nuk e fshehu kënaqësinë që këtë herë sulmuesin e ka në dispozicion. “E di shumë mirë bilancin e tij në këtë përballje dhe jam i lumtur që tani është me ne”, deklaroi Alonso për faqen zyrtare të klubit. “Ai ka shumë cilësi.
Si lojtar, shihet se është shumë inteligjent dhe lidhet mirë me pjesën tjetër të skuadrës. Jashtë zonës kombinon shumë mirë, ndërsa brenda saj e di gjithmonë ku duhet të pozicionohet. Këtë e pamë edhe ndaj Lutonit.” Welbeck dhe Henderson rrisin standardet në skuadër Welbeck nuk është i vetmi lojtar me përvojë që iu bashkua Chelseat këtë verë.
Edhe Jordan Henderson mbërriti në “Stamford Bridge”, ndërsa të dy janë parë si elementë të rëndësishëm për të sjellë lidership dhe mentalitet fitues në një skuadër me shumë lojtarë të rinj. Alonso theksoi veçanërisht ndikimin e Welbeckut në stërvitje. “Çdo ditë ai është një ndikim shumë i mirë për pjesën tjetër të lojtarëve.
Stërvitet jashtëzakonisht fort dhe po i ngre standardet në seancat tona. Për ne kjo është shumë e rëndësishme.” Trajneri spanjoll shtoi se përgjegjësia nuk bie vetëm mbi dy veteranët. “Henderson dhe Welbeck ndihmojnë shumë, por nuk janë vetëm ata. Edhe Reece James, Maxence Lacroix dhe Morgan Rogers kanë ndikim të mirë.
Edhe pse disa prej tyre janë më të rinj, po japin shumë për skuadrën.” Alonso i kënaqur me planifikimin e skuadrës Trajneri i Chelseat bëri të ditur se një nga prioritetet kryesore gjatë merkatos ishte afrimi i lojtarëve që mund të japin kontribut të menjëhershëm, jo vetëm në fushë, por edhe në aspektin e mentalitetit. “Ishte një vendim shumë i rëndësishëm në planifikimin e skuadrës.
Donim lojtarë që nuk sjellin vetëm cilësi në fushë, por që janë të gatshëm të konkurrojnë menjëherë dhe nuk kanë nevojë për shumë kohë për të pasur ndikim. Jemi shumë të kënaqur me këtë.” Pas Brightonit vjen derbi me Arsenalin Mbetet të shihet nëse Welbeck do ta nisë nga minuta e parë ndaj ish-skuadrës së tij apo do të përdoret sërish si alternativë nga stoli.
Megjithatë, goli ndaj Lutonit ka treguar se 35-vjeçari është gati për të dhënë kontribut edhe në Premier League. Pas duelit të së dielës me Brightonin në “Stamford Bridge”, Chelsea do ta zhvendosë menjëherë vëmendjen te një tjetër sfidë e madhe, derbi londinez ndaj Arsenalit javën e ardhshme..