Benfica ka zyrtarizuar transferimin e mesfushorit portugez Joao Palhinha nga Bayern Munich. Klubi portugez ka njoftuar se Palhinha ka nënshkruar kontratë deri në vitin 2030, ndërsa marrëveshja mund t’i kushtojë Benficas deri në nëntëmbëdhjetë milionë euro.
Bayern Munich do të përfitojë fillimisht katërmbëdhjetë milionë euro, ndërsa edhe pesë milionë euro të tjera mund të paguhen në formë bonusesh. “Tridhjetë e një vjeçari rikthehet në qytetin e tij të lindjes, Lisbonë, ku edhe e filloi karrierën profesionale te Sporting”, thuhet në njoftimin e Bayern Munich.
Benfica ka bërë të ditur se Palhinha do të ketë një klauzolë lirimi prej pesëdhjetë milionë eurosh. Mesfushori portugez iu bashkua Bayern Munichut nga Fulham në vitin 2024. Me gjigantin gjerman ai fitoi titullin e Bundesligës në vitin 2025. Sezonin e kaluar, Palhinha ishte huazuar te Tottenham, ndërsa gjatë kësaj vere emri i tij ishte lidhur edhe me një kalim të mundshëm te Aston Villa.