Manchester City pritet të bëjë një lëvizje të re për mesfushorin e Chelseat, Enzo Fernandez, teksa klubi anglez po përgatit një ofertë zyrtare para mbylljes së afatit kalimtar veror. Lajmi është bërë i ditur nga gazetari i njohur për transferimet, Fabrizio Romano.
Sipas raportimeve, kampionët e Anglisë janë të gatshëm të rikthehen në sulm për mesfushorin argjentinas, pasi më herët kishin shfaqur interes për shërbimet e tij. Fernandez, nga ana tjetër, thuhet se e ka hapur derën për një transferim të mundshëm në “Etihad”, duke e bërë situatën edhe më interesante në ditët e fundit të afatit kalimtar.
Megjithatë, Chelsea nuk ka ndërmend ta lejojë largimin e 24-vjeçarit me çdo kusht. “Blutë” kanë bërë të qartë se do ta konsideronin shitjen vetëm nëse marrin një ofertë që përputhet me vlerësimin e tyre dhe nëse një marrëveshje e tillë do t’u mundësonte atyre të përforcojnë skuadrën me lojtarë të tjerë.
Man City pranë transferimit të madh, Chelsea ndryshon kërkesat dhe kërkon 140 milionë euro për yllin argjentinas Kjo do të thotë se Manchester City duhet të bëjë një investim të konsiderueshëm për ta bindur Chelsean të negociojë, ndërsa koha në dispozicion po shkurtohet me afrimin e ditës së fundit të afatit kalimtar.
Fernandez ka qenë një nga lojtarët më të rëndësishëm të Chelseat dhe sezonin e kaluar zhvilloi sezonin e tij më produktiv sa i përket kontributit ofensiv. Në 36 paraqitje në Ligën Premier, ai realizoi 10 gola dhe regjistroi 4 asistime, duke dëshmuar se mund të jetë një mesfushor me ndikim jo vetëm në organizimin e lojës, por edhe në fazën sulmuese.
Mbetet të shihet nëse oferta e re e Manchester Cityt do të jetë e mjaftueshme për të ndryshuar qëndrimin e Chelseat. Nëse palët arrijnë një marrëveshje, transferimi i Fernandez do të ishte një nga lëvizjet më të bujshme të ditëve të fundit të afatit kalimtar në Ligën Premier.