Juventusi ka marrë një lajm shqetësues pas fitores në ndeshjen e parë të sezonit të ri në Serie A, pasi talenti turk Kenan Yildiz ka pësuar një lëndim në këmbë. Sipas La Gazzetta dello Sport dhe raportimeve të tjera nga Italia, Yildiz iu nënshtrua kontrolleve mjekësore të hënën në qendrën stërvitore të Juventusit në Torino.
Rezultatet nuk kanë qenë pozitive dhe ekziston mundësia që sulmuesi të qëndrojë jashtë fushave për rreth dy muaj. Madje, mediat italiane raportojnë se nuk përjashtohet mundësia e një ndërhyrjeje kirurgjikale për të trajtuar problemin në këmbën e tij. Lëndimi i fundit është i ndryshëm nga dhimbjet e përsëritura në gju, të cilat e kishin shqetësuar Yildizin në fund të sezonit të kaluar.
Yildiz ishte në dispozicion të trajnerit Luciano Spalletti për ndeshjen e parë të Juventusit në Serie A, ku “Zonja e Vjetër” fitoi 1-0 në udhëtim ndaj skuadrës së sapo promovuar, Frosinone. Në këtë mënyrë, Juventusi rrezikon të mbetet pa një prej lojtarëve më të rëndësishëm të skuadrës në javët e para të sezonit.
Pavarësisht situatës, klubi torinez nuk pritet të rikthehet në afatin kalimtar për të gjetur një zëvendësues direkt të Yildizit. Spalletti ka në dispozicion Jeremie Boga dhe përforcimin e ri Kerim Alajbegovic, ndërsa pjesë e skuadrës vazhdon të jetë edhe Nico Gonzalez, i cili sezonin e kaluar ishte i huazuar te Atlético Madrid.