Në Gjykatën Themelore në Prizren, të hënën më , është mbajtur shqyrtimi gjyqësor ndaj të akuzuarit Mehmet Gorenç. Avokatja e të akuzuarit, Nafije Muqaj kërkoi që klienti i saj t’i nënshtrohet ekzaminimit të gjendjes shëndetësore mendore. Gorenç akuzohet për veprën penale “Vrasje e rëndë”, lidhur me vdekjen e vajzës së tij, Sh.G, dhe plagosjen e dy anëtarëve të tjerë të familjes.
Avokatja Muqaj propozoi që Gorenç të dërgohet në Institutin e Psikiatrisë Forenzike, me qëllim që një grup ekspertësh të japë mendim dhe konstatim lidhur me gjendjen e tij mendore para, gjatë dhe pas kryerjes së veprës penale. I akuzuari ka mbështetur propozimin e avokates. “Po e mbështeti” – tha Gorenç.
Prokurorja Ervehe Gashi, deklaroi se në shkresat e lëndës nuk ka ndonjë provë që do të mund të shërbente së paku si indicie për gjendjen e shëndetit mendor të Gorenç-it, megjithatë, tha se, duke pasur parasysh natyrën e rastit, vlerësimin për nevojën e ekzaminimit psikiatrik ia lë gjykatës.
“Pasi që kemi të bëjmë me vrasje brenda familjes dhe me vepër penale të vrasjes së rëndë, këtë e lë në vlerësim të gjykatës – nevojën e ekzaminimit psikiatrik”, deklaroi prokurorja Gashi. Edhe mbrojtësi i viktimave, Ersan Mustafa, deklaroi se propozimin e mbrojtjes ia lë në vlerësim gjykatës.
Pas dëgjimit të qëndrimeve të palëve, trupi gjykues e aprovoi propozimin e mbrojtjes dhe vendosi që i akuzuari Mehmet Gorenç të dërgohet në Institutin e Psikiatrisë Forenzike për ekzaminim të shëndetit mendor.
Në fillim të shqyrtimit gjyqësor, pas leximit të aktakuzës nga prokuroria, i akuzuari deklaroi se e kishte të qartë aktakuzën, por nuk e pranoi fajësinë për veprën penale me të cilën ngarkohet. Gorenç u deklarua se pajtohet me qëndrimin e mbrojtjes së tij.
Në fjalën hyrëse, avokatja Muqaj deklaroi se e kundërshton aktakuzën, duke e konsideruar të rëndësishme që të vlerësohet gjendja mendore e të akuzuarit.
Ajo tha se i akuzuari gjatë deklarimit të tij në Prokurori, më , kishte shpjeguar situatën kritike në të cilën kishte ndodhur veprimi, ndërsa sipas mbrojtjes, rrethanat e përfshira në këtë situatë kërkojnë vlerësim profesional të gjendjes së tij mendore. Ndërsa sa i përket palëve të dëmtuara, ato ishin propozuar që të dëgjoheshin në cilësinë e dëshmitareve.
Mirëpo, prokurorja Gashi njoftoi gjykatën se të njëjtat ndodhen në Turqi dhe se gjendja e tyre shëndetësore dhe ekonomike ua pamundëson ardhjen në seancë. Me këtë rast, ajo propozoi që në vend të dëgjimit të tyre të drejtpërdrejtë të lexohej procesverbali nga procedura e mundësisë së veçantë të hetimit.
Prokurorja Gashi tha se të dëmtuarat kishin dhënë deklaratat e tyre në procedurën e veçantë të hetimit dhe se të pandehurit dhe mbrojtjes së tij u ishte dhënë mundësia që t’i kundërshtonin këto deklarata, dhe se për këtë arsye, prokuroria hoqi dorë nga dëgjimi i drejtpërdrejtë i R dhe A. Gorenç.
Trupi gjykues me përbërje nga kryetarja e trupit gjykues Teuta Krusha dhe antarët Artan Sejrani dhe Ilir Rashkaj. Çka thuhet në aktakuze? Sipas aktakuzës, i pandehuri Mehmet Gorenç, më , në Prizren, në rrugën “Shote Galica”, pikërisht në banesën ku ishte duke jetuar me familjen e tij, me “dashje i ka privuar nga jeta anëtarët e familjes”.
Me veprimin e tij, i pandehuri Mehmet Gorenç, sipas prokurorisë, ka kryer veprën penale “Vrasje e rëndë”, nga neni 173, të Kodit Penal të Republikës së Kosovës.