Franca do të vendosë ndalimin e përdorimit të telefonave celularë në të gjitha shkollat e mesme në mbarë vendin, duke nisur nga viti i ri shkollor. Vendimi u konfirmua nga zëdhënësja e qeverisë, Maud Bregeon, e cila tha se presidenti Emmanuel Macron ka vendosur të zbatojë ligjin pasi masa mori dritën jeshile nga Këshilli Kushtetues i Francës.
Sipas qeverisë, ndalimi mund të hyjë në fuqi që në fillim të semestrit të ri dhe synon krijimin e një mjedisi shkollor më të përqendruar, duke kufizuar shpërqendrimet që shkaktohen nga telefonat, transmeton Telegrafi. Megjithatë, rregulli do të ketë disa përjashtime.
Telefonat mund të lejohen për qëllime edukative, për nevoja administrative ose në raste të veçanta për nxënësit që ndjekin programe të caktuara, përfshirë klasat përgatitore për provimet e pranimit në universitetet elitare franceze.
EN DIRECT | Compte rendu du Conseil des ministres du 24 août 2026. — Élysée (@Elysee) August 24, 2026 Vendimi vjen në një kohë kur Franca po përpiqet të vendosë kufizime më të forta mbi përdorimin e teknologjisë nga të rinjtë. Ndërkohë, një masë tjetër e diskutuar, ajo për ndalimin e rrjeteve sociale për personat nën 15 vjeç, nuk do të zbatohet në këtë formë.
Këshilli Kushtetues e rrëzoi atë dispozitë më herët gjatë muajit. Kryeministri Sébastien Lecornu ka njoftuar se qeveria do të përgatisë një version të ri të ligjit, duke marrë parasysh vërejtjet e autoritetit më të lartë kushtetues të vendit. Franca po vendos kështu kufizime të reja mbi telefonat në shkolla, në një përpjekje për të rikthyer më shumë përqendrim dhe disiplinë në klasë.