Al-Hilal është në bisedime për të nënshkruar Gabriel Martinelin dhe është i përgatitur të paguajë afër 50 milionë paund për sulmuesin e Arsenalit, sipas Ben Xhejkobs.
Arsenali është gjithashtu i gatshëm të miratojë largimin e tij dhe tashmë e ka informuar brazilianin se dëshiron ta transferojë atë. 25-vjeçari kaloi një fushatë të vështirë në Premier Ligë sezonin e kaluar, duke bërë 30 paraqitje, por duke qenë titullar vetëm 11 ndeshje. Ai shënoi vetëm një herë dhe dha katër asiste në 1,088 minuta në ligë.
Megjithatë, performancat e tij në Europë ishin shumë të mira duke qenë se Gabriel shënoi gjashtë gola dhe regjistroi dy asiste në 14 paraqitje në Ligën e Kampioneve. Në të gjitha garat, ai e përfundoi edicionin 2025/26 me shtatë gola dhe gjashtë asiste në 49 paraqitje.