Rusët që jetojnë jashtë vendit dhe duan të heqin dorë nga shtetësia ruse po përballen me tarifa shumë më të larta dhe procedura të ndërlikuara. Media finlandeze Yle raporton se tarifa për këtë proces është rritur ndjeshëm.
Brenda Rusisë, tarifa shtetërore është rritur nga rreth 36 në 430 euro , ndërsa për aplikimet në ambasada dhe konsullata jashtë vendit tarifa është rritur nga rreth 110 në 1,030 euro . Problemet nuk lidhen vetëm me paratë. Aplikantët duhet të sigurojnë dokumente të shumta, ndërsa në disa raste mund të presin me muaj për një takim në konsullatë.
Në Letoni, ku shtetësia e dyfishtë me Rusinë përgjithësisht nuk lejohet, procesi është veçanërisht problematik për rusët që duan të marrin shtetësinë letoneze. Edhe Estonia ka raportuar rritje të numrit të personave që heqin dorë nga shtetësia ruse. 107 persona e bënë këtë në vitin 2024, ndërsa deri më numri kishte arritur në 126 .
Procesi është komplikuar edhe nga mbyllja e disa konsullatave ruse dhe reduktimi i stafit diplomatik. Rritja e tarifave vjen në një kohë kur shumë rusë jashtë vendit duan të shkëputen përfundimisht nga Rusia, veçanërisht pas pushtimit të Ukrainës. Sinjali – aty ku e vërteta flet para lajmit!