Sulmuesi francez Karim Benzema, i cili aktivizohet me Al-Hilal, ka qartësuar pozicionin e tij në lidhje me zërat që qarkullojnë për një largim të mundshëm nga skuadra gjatë dritares aktuale të transferimeve.
Deklaratat e Benzemas erdhën pasi ai udhëhoqi Al-Hilal drejt një fitoreje 3-0 kundër Al-Fayha në javën e dytë të kampionatit saudit, duke konfirmuar përqendrimin e tij të plotë te skuadra për periudhën në vijim. Sulmuesi francez u shpreh për “Rotana Khalijia”: “E ardhmja ime? Unë po luaj futboll këtu dhe do të shohim se çfarë do të ndodhë.
Kam një kontratë me klubin dhe çdo gjë është në rregull”. Gazeta saudite “Al-Riyadh” raportoi se drejtuesit e Al-Hilal i ofruan Benzemas një transferim te një nga klubet e sapongjitura në elitë, por lojtari e refuzoi këtë ide.
Nga ana tjetër, “Sky Sports” bëri me dije se ka komplikime në lidhje me kontratën e sulmuesit francez, duke shpjeguar se një pjesë e pagës së tij mbulohet nga subjekte të lidhura me Mbretërinë e Arabisë Saudite. Kjo bën që prishja e kontratës të varet nga më shumë faktorë sesa thjesht një marrëveshje dypalëshe mes lojtarit dhe klubit.