Një 35-vjeçar i kërkuar nga organet e drejtësisë është arrestuar pak pas mesnate në Fushë Kosovë, ndërsa nga aty rruga e tij ka përfunduar në Burgun e Dubravës, mëson Sinjali. Burimet e Sinjalit bëjnë të ditur se bëhet fjalë për Grevist Grajqevcin , 36 vjeçar, ndaj të cilit ishte aktiv një urdhër-arrest i lëshuar nga Gjykata Themelore në Prishtinë – Dega në Fushë Kosovë.
Grajqevci është lokalizuar më 21 gusht, rreth orës , në rrugën “Hamdi Grajqevci”. Pas ndalimit dhe verifikimit të tij, ka rezultuar se 35-vjeçari kërkohej për ekzekutimin e një dënimi me burgim, lidhur me veprën penale “Asgjësimi apo dëmtimi i pasurisë”. Urdhër-arresti ishte lëshuar pikërisht për kërkimin dhe arrestimin e tij, në mënyrë që të ekzekutohej dënimi i shqiptuar nga gjykata.
Për Grajqevcin, arrestimi nuk ka përfunduar vetëm me shoqërim në stacion policor. Pas kompletimit të procedurave për realizimin e urdhëresës, ai është dërguar në Burgun e Dubravës, ku do të vuajë dënimin prej 40 ditësh burgim.
Kështu, një dalje pas mesnate në Fushë Kosovë ka përfunduar me ekzekutimin e një urdhër-arresti që 35-vjeçarin e priste në sistem dhe me dërgimin e tij direkt prapa grilave. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!