Roma ka transferuar të mërkurën nga Porto një nga talentet më të mëdha të futbollit portugez, Rodrigo Mora. “Roma ka kënaqësinë të njoftojë transferimin përfundimtar të Rodrigo Morës”, bëri të ditur klubi italian, pa specifikuar kohëzgjatjen e kontratës.
Nga ana tjetër, FC Porto njoftoi se Roma do të paguajë deri në 27 milionë euro për mesfushorin 19-vjeçar: 25 milionë euro fikse, plus 2 milionë euro bonuse të mundshme. Mora ka zhvilluar 80 ndeshje me klubin portugez në të gjitha kompeticionet dhe ka shënuar 16 gola. Roma, e drejtuar nga Gian Piero Gasperini, e përfundoi sezonin e kaluar në vendin e tretë të kampionatit italian.
Këtë sezon, skuadra romake do të marrë pjesë në Ligën e Kampionëve, për herë të parë që nga sezoni 2018/19.
Burimi:
Bota Sot