Situata e zjarreve është rënduar ndjeshëm në qarkun Dibër, ndërsa flakët vijojnë të përhapen me shpejtësi në disa zona të Bulqizës dhe Matit. Në zonën e Qafë Helmes, në njësinë administrative Fushë-Bulqizë, zjarri ka marrë përmasa të mëdha, duke u favorizuar nga temperaturat e larta dhe era.
Pavarësisht angazhimit të forcave në terren, flakët vijojnë të jenë të vështira për t’u neutralizuar, ndërsa kërkohet ndërhyrje urgjente nga ajri për të frenuar përhapjen e tyre. Ndërkohë, gjatë ditës së sotme, një tjetër vatër zjarri është shfaqur në pyjet e fshatit Laç, në njësinë administrative të bashkisë Mat.
Forcat në terren vijojnë përpjekjet për izolimin e vatrave, ndërsa pritet ndërhyrja nga ajri për të vënë nën kontroll situatën.
Burimi:
Bota Sot