Lajmi i hidhur për futbollin shqiptar. Ka ndërruar jetë në moshën 63-vjeçare ish futbollisti shqiptar Agim Bubeqi që bëri jehonë me Flamurtarin e Vlorës në vitin 1987 duke eliminuar Partizanin e Beogradit. Ish-sulmuesi i njohur i viteve 80-ta, pjesë e Flamurtarit që shkroi historinë e futbollit shqiptar në arenën ndërkombëtare, është gjetur i pajetë në banesën e tij këtë të mërkurë.
Duhet kujtuar se Bubeqi ka qenë titullarë si në Vlorë në fitoren me rezultat 2:1 ndaj Partizani, si dhe në Beograd kur humbën 2:1 (30 shtator). Flamurtari e kishte eliminuar Partizanin nga garat e Kupës UEFA.
Klubi i Flamurtarit ka bërë një postim me mesazh ngushëllimi për ikonën e futbollit: “Flamurtari F.C. shpreh ngushëllimet më të sinqerta për ndarjen nga jeta të Agim Bubeqit, ish-futbollistit të viteve të arta të klubit tonë. Kontributi dhe emri i tij do të mbeten pjesë e historisë dhe kujtesës së familjes kuqezi.
Ngushëllime të sinqerta familjarëve, të afërmve dhe gjithë komunitetit sportiv”.