Rikthimi i Marcus Rashford te Manchester United mund të ketë ndikim të drejtpërdrejtë në merkaton e Juventusit. Sipas raportimeve të fundit, Manchester United është gati të riintegrojë Rashfordin në skuadër, ndërsa kjo situatë i hap derën Joshua Zirkzee për t’u larguar nga Old Trafford.
Juventusi po punon seriozisht për transferimin e sulmuesit holandez dhe synon një operacion në formë huazimi. Zirkzee thuhet se është i gatshëm për rikthimin në Serie A, ndërsa paga e tij prej rreth 3.5 milionë eurosh në sezon konsiderohet e përballueshme për klubin torinez.
Megjithatë, ekziston një kusht i rëndësishëm për Juventusin: duhet të zgjidhë sa më shpejt situatën e Jonathan David. Shitja e sulmuesit kanadez do t’i hapte hapësirë ekonomike dhe në repartin ofensiv për ardhjen e Zirkzee.