Një ndeshje e kategorisë së dytë në Uruguai prodhoi një situatë të pazakontë të shtunën, pasi një top i larguar fuqishëm nga fusha shkaktoi një aksident trafiku në rrugën pranë stadiumit. Incidenti ndodhi gjatë përballjes mes Uruguay Montevideo dhe Paysandu, ku një goditje e fortë përfundoi jashtë stadiumit dhe topi përfundoi në autostradën që kalon pranë impiantit.
Topi u fut në rrugë dhe bëri që një prej automjeteve të frenonte papritur. Makina që po lëvizte menjëherë pas saj nuk arriti të ndalej në kohë dhe u përplas me pjesën e pasme të automjetit. Pamjet e incidentit, të cilat ndodhën pranë stadiumit Parque ANCAP në Montevideo, u kapën edhe nga transmetimi televiziv i ndeshjes dhe më pas u shpërndanë me shpejtësi në rrjetet sociale.
El maravilloso fútbol de la B en el Parque ANCAP. pic.twitter.com/yqCgcD3SAO — tuki (@leichh16) August 8, 2026 Për fat të mirë, incidenti nuk ndikoi në vazhdimin e ndeshjes dhe nuk raportohet për pasoja të rënda. Në fushë, Uruguay Montevideo triumfoi me rezultat 1-0 ndaj Paysandu. Por jashtë saj, “humbësit” ishin drejtuesit e dy automjeteve të përfshira në aksident.
Më poshtë mund të shihni pamjet e momentit kur topi përfundoi në rrugë dhe shkaktoi aksidentin./ Telegrafi