Transferimi i Mohamed Salahut te Trabzonspor u realizua pas një operacioni të zhvilluar në heshtje, ndërsa Besiktasi shihej si favorit për të siguruar shërbimet e egjiptianit. Sipas The Guardian, gjithçka nisi gjatë Kupës së Botës, kur presidenti i Trabzonsporit, Ertugrul Dogan, e pyeti trajnerin Fatih Tekke nëse e dëshironte Salahun.
Klubi më pas aktivizoi ish-lojtarin e tij, Trézéguet, i cili komunikonte çdo ditë me Salahun për ta bindur të transferohej në Trabzon. Oferta financiare ishte gjithashtu e jashtëzakonshme. Salah do të përfitojë rreth 17 milionë euro neto në sezon, për një kontratë dyvjeçare deri në vitin 2028. Por projekti sportiv dhe atmosfera e tifozëve luajtën rol të rëndësishëm.
Salah refuzoi alternativa nga Arabia Saudite dhe MLS për të vazhduar të luajë në Evropë. Efekti i transferimit ishte i menjëhershëm: Trabzonspor shiti mbi 17 mijë abonime sezonale brenda 24 orëve, ndërsa klubi pret të ardhura të mëdha nga biletat, sponsorët dhe shitjet e fanellave.
Salah tashmë është bërë simboli i projektit të ri të Trabzonsporit, që synon të sfidojë dominimin e gjigantëve të Stambollit.