Ministria e Administrimit të Pushtetit Lokal (MAPL) ka mbajtur një punëtori dyditore në kuadër të procesit të hartimit të Strategjisë për Vetëqeverisje Lokale 2027–2031, me qëllim përgatitjen e draftit të strategjisë dhe planit të veprimit.
Sipas njoftimit të datës , MAPL-së njofton se gjatë punëtorisë janë diskutuar prioritetet, objektivat strategjikë, nënobjektivat dhe aktivitetet kryesore që do të përbëjnë bazën e dokumentit strategjik për pesë vitet e ardhshme. Ky proces është mbështetur nga programi DEMOS.
Në këtë aktivitet morën pjesë Sekretari i Përgjithshëm i MAPL-së, Jeton Qela, përfaqësues të ministrive të linjës, institucioneve relevante, organizatave partnere, shoqërisë civile, si dhe drejtorë të departamenteve të ministrisë.
Me këtë rast, Qela theksoi se strategjia synon të ndërtojë një vizion të përbashkët për të ardhmen e vetëqeverisjes lokale në Kosovë, duke krijuar politika të qëndrueshme të bazuara në nevojat e komunave dhe qytetarëve.
Strategjia për Vetëqeverisje Lokale 2027–2031 pritet të fokusohet në avancimin e kornizës ligjore për vetëqeverisjen lokale, forcimin e zhvillimit ekonomik lokal, promovimin e qeverisjes së mirë dhe demokracisë lokale, si dhe përshpejtimin e proceseve të digjitalizimit, inovacionit dhe modernizimit të administratës komunale.