Ministria për Evropën dhe Punët e Jashtme e Shqipërisë ka reaguar përmes një postimi në platformën “X” lidhur me zbulimin e një varri masiv në Kosovë. Në reagimin e saj, ministria thekson se zbulimi i këtij varri është një kujtesë e dhimbshme se plagët e luftës në Kosovë mbeten ende të hapura.
Po ashtu, Ministria për Evropën dhe Punët e Jashtme rithekson mbështetjen e Shqipërisë për Kosovën në përpjekjet për zbardhjen e fatit të personave të zhdukur, vendosjen e drejtësisë dhe ruajtjen e së vërtetës historike. “Zbulimi i një tjetër varri masiv në Kalludër të Kosovës është një kujtesë e dhimbshme se plagët e luftës në Kosovë mbeten ende të hapura.
Çdo gjetje e tillë nuk është vetëm një hap drejt identifikimit të viktimave, por edhe një dëshmi që flet vetë. Eshtrat e zbuluara janë një kujtesë e fortë e krimeve të kryera dhe e nevojës që e vërteta dhe përgjegjësia të pranohen e drejtësia të vihet në vend.
Për familjet që prej më shumë se dy dekadash presin të mësojnë fatin e të dashurve të tyre, çdo identifikim është një hap drejt dinjitetit, së vërtetës dhe drejtësisë. Shqipëria qëndron përkrah Kosovës në përpjekjet për zbardhjen e fatit të personave të zhdukur, për vendosjen e drejtësisë dhe për ruajtjen e së vërtetës historike.
Pa të vërtetën nuk mund të ketë pajtim të qëndrueshëm”, thuhet në reagim. Zbulimi i një tjetër varri masiv në Kalludër të Kosovës është një kujtesë e dhimbshme se plagët e luftës në Kosovë mbeten ende të hapura. Çdo gjetje e tillë nuk është vetëm një hap drejt identifikimit të viktimave, por edhe një dëshmi që flet vetë.
Eshtrat e zbuluara janë një… — Albanian MEFA 🇦🇱 (@AlbanianDiplo) July 31, 2026 Sinjali – aty ku e vërteta flet para lajmit!