Sekretarja e Përgjithshme e Partisë Demokratike të Kosovës, Vlora Çitaku, pas takimit të përfaqësuesve të partive parlamentare për përgatitjen e seancës konstituive të Kuvendit ka thënë se qëndrimi i PDK-së mbetet i qartë: “Ne do të jemi në opozitë”.
Para mediave, më , ajo shtoi se si parti janë për formim të institucioneve sa më parë në mënyrë që të fillohet adresimi i nevojave dhe kërkesave të qytetarëve. “Jemi vite larg me LVV-në dhe shohim pak fare pak hapësirë për bashkëpunim. Dhe këtë e kemi bërë të qartë.
Kjo nuk do të thotë që nuk bashkëpunojmë kur janë në pyetje konstituimi i institucioneve dhe interesat e qytearëve, por jo në qeverisje”- tha Çitaku. Ajo ka shtuar se opozita ka nevojë për bashkërendim, por që ende nuk dihet se kush do jetë në qeveri e opozitë. Bedri Hamza, kryetari i PDK-së, ka shkuar në takim me Kurtin më .
Ndonëse para takimit kishte thënë se nuk kanë ‘vija të kuqe’ të bashkëpunimit, pasi doli nga takimi, para mediave ka deklaruar se kjo parti qëndron në opozitë. “Ju e dini qëndrimin tim që unë kam dal me prioritete në ekonomi, në energji, në arsim e Drejtësi. Për me u zbatu këto projekte PDK nuk ka vija të kuqe me askënd.
Bazuar në bisedat që kemi pas – normalisht korrekte – PDK është në opozitë. Dhe ne i dëshirojmë suksese zotëri Kurtit dhe partive tjera.”- ka deklaruar Hamza pas takimit më . PDK pas një takimi të deputetëve të saj, më ka kërkuar formim të institucioneve pa vonesa.
“Deputetët e zgjedhur të PDK-së ritheksuan se Kosovës i duhen institucione të afta për t’u përballur me sfidat me të cilat përballet vendi, duke u fokusuar në prioritetet e qytetarëve: zhvillimin ekonomik, mirëqenien sociale, forcimin e shtetit dhe përmirësimin e cilësisë së jetës”- thuhet në komunikatën e PDK-së. Seanca konstituive e Kuvendit është thirrur për .