Shpërndaje në: Marc Cucurella e fitoi me Spanjën Kupën e Botës 2026. Por beteja më prekëse e mbrojtësit po zhvillohet larg fushës. “Kur flasim për Mateon…” fillon 28-vjeçari në dokumentarin “I Martuar me Lojën”, përpara se zëri i tij të ndërpritet. Lotët i rrjedhin në fytyrë, duke nënvizuar momentin emocional ndërsa flet për djalin e tij gjashtëvjeçar. Mateo është autik.
“Në rregull, fëmija juaj është autik. Por prindërit nuk janë të përgatitur për këtë. Na është dashur të mësojmë gjithçka nga e para”, vazhdon Cucurella. Duke folur për “La Media Inglesa”, spanjolli shpjegon gjithashtu vështirësitë. “Është e vështirë. Askush nuk të mëson si të jesh baba. E sheh që djali yt nuk po shkon mirë dhe nuk di si ta ndihmosh”.
Edhe Botërori 2026 4 d. më parë Cucurella paralajmëron tërheqjen nga Spanja Shkolla bëhet një sfidë Koha kur Mateo luftonte për t’ia dalë mbanë në një shkollë të rregullt ishte veçanërisht e vështirë për spanjollin dhe familjen e tij. “Ai nuk ishte i lumtur. Ai largohej duke qarë dhe ne duhej ta merrnim përsëri pas vetëm disa orësh”.
Gruaja e tij, Claudia Rodriguez 26-vjeçare, kujton kohën pas diagnozës. “Ne mezi gjetëm mbështetje. Çdo mëngjes e çonim Mateon në shkollë së bashku – dhe çdo ditë e sillnim në shtëpi duke qarë”, thotë ajo. Edhe festat janë bërë një sfidë. Edhe Botërori 2026 2 d. më parë Momenti diskutabil, a i tha Cucurella Messit se Cubarsi e lëndoi gojën?
“Ne duhet të mendojmë vazhdimisht për Mateon”, shpjegon çifti. “Ndonjëherë duam të bëjmë gjëra, por nuk mundemi sepse nuk do të ishte mirë për të”. Ndryshimet e vendeve ose një rutinë ndryshe ditore janë veçanërisht stresuese për djalin e tyre.
Karriera është gjithashtu e prekur Në një intervistë me “Radioestadio Noche”, Cucurella diskuton se si këto përvoja ndikojnë tani në karrierën e tij. “Sapo një klub tregon interes për mua, gjëja e parë që kontrollojmë është nëse ka shkolla dhe mundësi terapie të përshtatshme në dispozicion”. Mirëqenia e familjes së tij është parësore për të.
“Nëse familja ime shkon mirë, edhe unë mund të jap më të mirën time në fushë”. Edhe Botërori 2026 2 d. më parë Rodri: Është titulli më i veçantë Pavarësisht të gjitha sfidave, Marc Cucurella flet publikisht me vetëdije për autizmin. “Edhe një hap i vogël përpara të sjell më shumë gëzim se çdo gjë tjetër”. Ai dëshiron të ndihmojë prindërit e fëmijëve të tjerë me autizëm me historinë e tij.
“Mendoj se fëmijë si Mateo janë të mrekullueshëm. Sigurisht që na ka ndryshuar jetën, na ka sjellë shumë gëzim dhe na ka lejuar ta shohim botën ndryshe”, ka thënë Cucurella.