Një kontroll rutinë i Policisë së Kosovës në Prishtinë ka çuar në zbulimin e një sasie të dyshuar narkotike dhe procedimin e një 26-vjeçari, raporton Sinjali. Sinjali mëson ekskluzivisht se i dyshuari është Roni Rama , 26 vjeçar.
Sipas burimeve të Sinjalit, ngjarja ka ndodhur pak pas mesnate, rreth orës , në rrugën “Ilir Konushevci”, ku njësitë policore ndaluan për kontroll një veturë Opel. Automjeti drejtohej nga Roni Rama, ndërsa si pasagjer ndodhej Engjëll Rexha , 26 vjeçar. Gjatë kontrollit trupor të shoferit, policët gjetën dhe sekuestruan substancë të dyshuar narkotike të llojit marihuanë.
Në vendin e ngjarjes dolën edhe njësia e hetimeve dhe forenzika, të cilat kryen sekuestrimin e substancës si provë materiale. Me urdhër të Prokurorit të Shtetit, ndaj Roni Ramës është iniciuar procedurë për veprën penale “Posedim i paautorizuar i narkotikëve, substancave psikotrope ose analoge”, ndërsa ai është liruar në procedurë të rregullt. Hetimet lidhur me rastin vazhdojnë.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!