Angelina Jolie duket se po përgatitet për një ndryshim të madh në jetën e saj, duke menduar largimin nga Los Angeles pas përfundimit të disa prej angazhimeve familjare që e kanë mbajtur të lidhur me Kaliforninë. Aktorja hollivudiane së fundmi ka festuar 18-vjetorin e binjakëve të saj, Vivienne dhe Knox, dhe sipas burimeve pranë saj, tashmë ndihet më e lirë për të nisur një kapitull të ri.
“Për vite me radhë ka folur për largimin nga Los Angeles. Tani që ka më shumë fleksibilitet, është e gatshme të eksplorojë mundësi të reja”, ka thënë një burim i afërt me aktoren. Jolie, e cila ka gjashtë fëmijë me ish-bashkëshortin Brad Pitt, është ndarë nga aktori në vitin 2016, ndërsa procedurat e divorcit u përmbyllën në fund të vitit 2024.
Gjatë gjithë kësaj periudhe, ajo ka theksuar se prioriteti i saj kryesor kanë qenë fëmijët dhe mirëqenia e tyre. Sipas burimeve, aktorja dëshiron të udhëtojë më shumë dhe të kalojë kohë në vende që kanë pasur rëndësi për të, përfshirë Kamboxhian, si dhe të jetë më pranë familjarëve të saj në vende të ndryshme të botës.
Më herët, Jolie kishte deklaruar se kishte qëndruar në Los Angeles kryesisht për shkak të përgjegjësive familjare, duke lënë të kuptohej se pas rritjes së fëmijëve do të kërkonte një mënyrë tjetër jetese. Ndërkohë, aktorja ka nxjerrë në shitje edhe kompleksin e saj luksoz në Kaliforni, një pronë me histori të veçantë që dikur i përkiste regjisorit të njohur Cecil B. De Mille.
Prona është vënë në treg me një çmim prej rreth 29.85 milionë dollarësh. Me këtë hap, Jolie duket se po hap një kapitull të ri, larg ritmit të jetës në Hollywood dhe më afër një stili jetese që i përshtatet më shumë prioriteteve të saj personale. Sinjali – aty ku e vërteta flet para lajmit!