Aktori amerikan Brian Austin Green ka bërë një rrëfim të sinqertë për marrëdhënien e tij me ish-bashkëshorten Megan Fox, duke pranuar se në fillimet e romancës ishte i përqendruar kryesisht te tërheqja fizike.
Në një intervistë, Green tha se për vite me radhë i kishte ndërtuar lidhjet romantike duke u bazuar më shumë te pamja sesa te përputhshmëria emocionale, një qasje që, sipas tij, me kalimin e kohës rezultoi e gabuar. Aktori dhe Megan Fox ishin në një lidhje për rreth 15 vjet dhe kaluan afro një dekadë si çift i martuar. Ata kanë tre djem së bashku.
Duke reflektuar mbi përvojën e tij, Green tha se ka punuar me veten përmes terapive dhe vetëreflektimit, gjë që e ka ndihmuar të kuptojë më mirë marrëdhëniet dhe sjelljet e tij. Ai theksoi se lidhja e tij aktuale me të fejuarën, Sharna Burgess, është ndërtuar mbi miqësinë, komunikimin dhe ndershmërinë që në fillim.
Sipas Green, marrëdhëniet që mbështeten vetëm te tërheqja fizike kanë më pak gjasa të zgjasin, ndërsa një lidhje e fortë emocionale është çelësi për një partneritet afatgjatë. Sinjali – aty ku e vërteta flet para lajmit!