Forcat Detare të Republikës së Shqipërisë kanë zhvilluar sot një stërvitje në zonën e Pashalimanit. Në këtë aktivitet janë angazhuar mjete detare dhe personel në një aksion të koordinuar në det. Sipas informacioneve paraprake, stërvitja është fokusuar në testimin e gatishmërisë operacionale.
Gjithashtu, ajo ka pasur për qëllim reagimin në situata të ndryshme detare dhe koordinimin mes strukturave të përfshira në operacion. Lëvizja e mjeteve detare është vërejtur gjatë gjithë ditës në Gjirin e Vlorës dhe Pashaliman, ndërsa aktiviteti është zhvilluar në kuadër të programeve të planifikuara të trajnimit dhe rritjes së kapaciteteve operacionale të Forcave Detare.
Burimi:
Bota Sot