Presidenti ukrainas Volodymyr Zelensky njoftoi një riorganizim të madh të qeverisë së tij, duke thënë se së shpejti do të ketë një kryeministër dhe kabinet të ri. “Ukraina po e ndryshon strategjinë e saj politike”, tha Zelensky, duke shtuar se e kishte diskutuar çështjen me kryeministren aktuale Yuliia Svyrydenko.
“Ne përcaktuam se këto ndryshime kërkojnë një rinovim të Kabinetit të Ministrave”, vazhdoi ai. “Jam mirënjohës ndaj Yuliias për punën e saj të qartë, të qëndrueshme dhe efektive si kryeministre, për vitet e saj të shërbimit produktiv në ekipin e Ukrainës dhe i kam ofruar asaj mundësinë për të udhëhequr një fushë të re dhe të rëndësishme marrëdhëniesh me një partner kyç”, deklaroi Zelensky.
Ai nuk dha detaje të mëtejshme mbi rolin e ri të Svyrydenkos apo zëvendësimin e saj. Ndërkohë, Svyrydenko tha se ishte krenare për punën e saj në detyrë dhe se mbetej “e gatshme t’i shërbente shtetit ukrainas”. Ndryshe, në Ukrainë, riorganizimet e kabinetit kërkojnë miratimin parlamentar.
Megjithatë, ligjvënësit janë mbledhur kryesisht rreth Zelenskyt që kur filloi pushtimi rus i vendit në shkurt 2022 dhe zakonisht nuk e bllokojnë agjendën e tij.