Fatmir Makolli, legjenda e boksit të Kosovës, që mbahem mend meçet e tij nga gjeneratat e vjetra de të mesme në petkun e klubit më të madh të boksit, Prishtina, pesë herë kampione e gjashtë herë nënkampione e ish Jugosllavisë.
Fatmir Makolli si boksier edhe ka një titull me Prishtinën të ish Jugosllavisë, ndërsa është kampion i Ballkanit, fitues i medaljes së bronztë në vitin 1987 në Kupën Botërore, fituesi medaljes së argjendtë në Lojërat Mesdhetare (1987) dhe i pesti në Kampionatin Evropian në Athinë në vitin 1989.
Fatmir Makolli është i pari boksier që e hodhi në tokë fanellën e reprezentacionit të ish Jugosllavisë, duke e braktisur demonstrativisht dhe është boksier që mbahet edhe për fitore me dorë të thyer në ring. Redaktori i rubrikës së sportit “Rilindja”, Ali Shala, ia dorëzon mirënjohjen sportistit më të mirë të vitit 1987 Fatmir Makolli.
“Redaksia e së përditshmes “RIlindja” organizoi dje solemnitetin tradicional që mbahet prej vitit 1958, me ç’rast rubrika e sportit shpalli dhjetë sportistët, tri klubet, trajnerin dhe referin më të mirë të sportit të Kosovës në vitin 1987.
Sportisti më i mirë i vitit u shpall boksieri i Prishtinës Fatmir Makolli, kurse ndër klubet, ai i hendbollistëve Borci i Ferizajt”, k ishte shkruar ‘Rilindja” të dielën e 27 dhjetorit të vitit 1987.