Një motoçikletë në pronësi të një kompanie të shpërndarjes është vjedhur gjatë natës në lagjen Ulpiana në Prishtinë, raporton Sinjali. Burimet e Sinjalit bëjnë të ditur se vjedhja dyshohet të ketë ndodhur në intervalin kohor nga ora e datës 5 korrik deri në orën të mëngjesit të 6 korrikut, në rrugën “ Egnatia ”. Sipas burimeve, ankuesi E.
K. rreth 48 vjeç ka deklaruar se kishte parkuar motoçikletën SYM XE CROX RX, me ngjyrë hiri dhe të zezë, para se të largohej. Kur është kthyer në mëngjes, ka konstatuar se mjeti ishte vjedhur. Motoçikleta ishte në pronësi të kompanisë Flex Delivery SHPK, ku ankuesi është i punësuar.
Sipas të dhënave fillestare, në lokacionin ku ndodhi vjedhja nuk ka kamera të sigurisë, çka pritet ta vështirësojë identifikimin e autorëve. Për rastin është njoftuar Prokurori i Shtetit, i cili ka urdhëruar inicimin e rastit si “ Vjedhje ”, ndërsa njësia e hetimeve ka nisur veprimet për identifikimin e autorëve dhe gjetjen e motoçikletës. Sinjali – aty ku e vërteta flet para lajmit!