Manchester City, i drejtuar nga Enzo Maresca ka arritur marrëveshje për transferimin e talentit të Leicester Cityt, Jeremy Monga, pavarësisht interesimit të mëparshëm nga Arsenali. Sipas “The Athletic”, Monga, i cili është lojtari i tretë më i ri që ka luajtur ndonjëherë në Premierligë, është pranë një transferimi prej 12.5 milionë funtesh nga Leicester City te Manchester City.
Raportohet se Maresca e ka identifikuar personalisht 16-vjeçarin si një objektiv, pasi kishte punuar me të te Leicester gjatë sezonit 2023/24. Në gusht të vitit 2025, Monga hyri në histori duke u bërë lojtari më i ri që ka nisur një ndeshje si titullar për Leicester City, pasi luajti 60 minuta në një sfidë të EFL Cup kundër Huddersfield Town.
Vetëm tre ditë më vonë, ai u bë golashënuesi më i ri në historinë e EFL Championship, në moshën 16 vjeç e 37 ditë, kur shënoi në humbjen 2-1 ndaj Preston North End. Edhe pse Leicester ra në EFL League One gjatë sezonit 2025/26, Monga ishte një nga pikat më pozitive të skuadrës, duke zhvilluar 30 ndeshje, shënuar një gol dhe dhuruar dy asistime.
Paraqitjet e tij në akademi kishin tërhequr prej kohësh vëmendjen e klubeve më të mëdha të Evropës, me Chelsea dhe Real Madrid mes skuadrave të interesuara për talentin e kombëtareve zinxhir të Anglisë. Arsenali zhvilloi bisedime me Leicester City më herët gjatë merkatos, ku drejtori sportiv Andrea Berta u takua me homologun e tij, Jon Rudkin.
Megjithatë, pasi oferta e parë u refuzua, Arsenali u tërhoq nga gara, duke i hapur rrugën Manchester Cityt për të mbyllur marrëveshjen. Monga nuk mund të nënshkruajë një kontratë profesioniste deri më 10 korrik, kur do të mbushë 17 vjeç.
Ende nuk është e qartë se çfarë roli do të ketë ai te Manchester City, megjithëse për shkak të moshës dhe përvojës së kufizuar nuk pritet të jetë titullar i rregullt. Që nga emërimi zyrtar i Marescës si trajner i Cityt, klubi ka transferuar edhe mesfushorin anglez Elliot Anderson nga Nottingham Forest në një marrëveshje me vlerë 116 milionë funte.
Ish-trajneri i Leicester Cityt dhe legjenda e Manchester United, Ruud van Nistelrooy, kishte folur me superlativa për Mongan pasi i dha debutimin në Premier League kundër Newcastle United në prill të vitit 2025. “Mund të shihje disa shkëndija të cilësive të tij të mëdha. Është një anësor i shkëlqyer dhe ka shpejtësi. Është një talent fantastik dhe një djalë i mrekullueshëm.
I meritoi këto minuta dhe shpresoj që të ketë edhe shumë të tjera”, tha Van Nistelrooy.