Një ‘top zjarri’ ndriçoi qiellin herët në mëngjes në Shtetet e Bashkuara, me pamje të raportuara në Luiziana, Florida, Alabama, Arkansas, Misisipi dhe Teksas. ‘Top zjarri’ u kap në kamera në vende të shumta menjëherë pas orës 5 të mëngjesit, transmeton Telegrafi.
Shoqata Amerikane e Meteorëve mori më shumë se 50 raportime për pamje nga shtete të shumta, me shumicën e raporteve që vinin nga Luiziana jugore. ‘Topat e zjarrit’ shkaktohen kur mbeturinat hapësinore digjen ndërsa rihyjnë në atmosferën e Tokës. Ekspertët thonë se ‘topat e zjarrit’ veçanërisht të ndritshëm zakonisht përfaqësojnë objekte që janë të paktën 3 metra në diametër.
Ekspertët ende po punojnë për të përcaktuar nëse ndonjë pjesë e meteorit të dukshëm të së dielës ka rënë në kontakt me tokën.