Ardit Krymi e ka zgjidhur shumë shpejt të ardhmen e tij, pak ditë pasi u njoftua largimi nga Vllaznia. Siç është raportuar më herët në media, mesfushori ka gjetur akordin me Tiranën, ndërsa pak minuta më parë, ai është parë duke dalë nga ambientet e klubit bardheblu dhe pikërisht sot ka ardhur edhe firma me kryeqytetasit.
Në këtë mënyrë, kalimi i Krymit te bardheblutë e kryeqytetit shënon një “goditje” të madhe për skuadrën dhe sidomos për trajnerin e ri Dean Klarufic. Kujtojmë se 30-vjeçari pati një reagim të gjatë në postimin për largimin nga shkodranët, ku u shpreh se pakënaqësitë e shumta e çuan drejt divorcit.
Burimi:
Bota Sot