Në Gjykatën Themelore në Prishtinë, këtë të hënë, më , pritet të vazhdojë rigjykimi ndaj Endrit Nikës, i akuzuar për vrasjen e rëndë të shtetases argjentinase, Maria Clara Urdangaray, e cila humbi jetën në gusht të vitit 2023, pasi ra nga kati i gjashtë i një hoteli në Fushë-Kosovë.
Rasti, i cili kishte përfunduar me dënimin e Nikës me 18 vjet burgim më , është kthyer në rigjykim pas vendimit të Gjykatës së Apelit, e cila aprovoi ankesën e mbrojtjes. Në seancën e parë të rigjykimit, të mbajtur më , Nika ishte deklaruar sërish i pafajshëm për akuzën që rëndon mbi të.
Sipas aktakuzës së Prokurorisë Themelore në Prishtinë, më , pas një mosmarrëveshjeje me të dashurën e tij, Nika dyshohet se fillimisht e kishte goditur viktimën dhe kishte tentuar ta shkelte me veturë në parkingun e hotelit.
Prokuroria pretendon se përleshja kishte vazhduar edhe brenda dhomës së hotelit, ku i akuzuari dyshohet se, përmes goditjeve dhe shtyrjeve, e kishte hedhur viktimën nga dritarja e katit të gjashtë. E reja argjentinase kishte pësuar lëndime të rënda dhe, pavarësisht trajtimit mjekësor, kishte ndërruar jetë në Qendrën Klinike Universitare të Kosovës.
Çështja po shqyrtohet nga trupi gjykues i kryesuar nga gjyqtari Gazmend Bahtiri, me anëtarët Alltën Murseli dhe Gëzim Ademi. Në seancën e mëparshme, shqyrtimi ishte ndërprerë pas kërkesës së mbrojtjes për sigurimin e një përkthyesi të përshtatshëm të gjuhës gjermane për të akuzuarin.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit! /GazetaSinjali